Google ADS

I vjedhin biçikletën në Belgjikë, ministria e Brendshme ia gjen në Fier

14:32 | 29 Tetor 2019
Arbresh.info

Një banor i Brukselit përpjekjet e të cilit për të gjetur biçikletën e vjedhur elektrike në vend ishin të pasuksesshme, e lokalizoi atë falë një aplikacioni në celular.

Denis Hacquin e pa në aplikacion se biçikleta ishte dy mijë kilometra larg tij, në Fier.

Teksa nuk kishte asnjë reagim në Belgjikë, ai iu drejtua shqiptarëve, madje i shkroi në Twitter dhe kryeministrit Edi Rama.

Ai mori qindra mesazhe që ofronin ndihmë për të gjetur biçikletën dhe i sugjeronin që të kontaktonte ministrinë e Brendshme në Tiranë.

Më pas ai shkroi se, “U nisa e-maile dhe një ditë më pas e gjetën biçikletën. Tashmë autoritetet shqiptare po punojnë për të kthyer mjetin në Belgjikë”.

Ndërsa, Hacquin e gjeti rastin të falënderonte zëvendësministren e Brendshme, Romina Kuko për ndërhyrjen e saj në zgjidhjen e çështjes. /TCH

Shpërndaje në rrjete sociale

Lajmet më të lexuara

Të ngjashme

Foto lajm